Беҙҙә лә Алыҫ Көнсығышта Юлбарыҫ көнө билдәләнә. Ул сентябрҙең дүртенсе йәкшәмбеһенә тура килә. Был идеяны 1995 йылда яҙыусы-натуралист, эколог Владимир Тройнин тәҡдим итә. Ул мәктәптәрҙә, китапханаларҙа 5 йыл буйына тәбиғәткә һөйөү тойғоһо тәрбиәләү маҡсатында дәрестәр үткәрә, экологик экскурсиялар, «Юлбарыҫ көнө» тигән уҡыуҙар ойоштора. Рәсми рәүештә 2008 йылдан алып байрам ителә. Кем ҡырағай тәбиғәткә, был йыртҡыстарға битараф түгел, тирә-яҡ мөхит тураһында ҡайғырта, шуларҙы берләштерә был көн.