Шуныһы ҡыуаныслы: Ҡуштау эшкәртелмәйәсәк, уны яҡлаусылар ныҡ торҙо,изге тауыбыҙ йәшәйәсәк! Белеүегеҙсә, Стәрлетамаҡ һәм Ишембай ҡалаларынан алыҫ булмаған дүрт шихандың береһе ул. Бында ғалимдар тарафынан Башҡортостандың, Рәсәйҙең һәм Тәбиғәтте һаҡлау халыҡ-ара союзының «Ҡыҙыл китаб»ына индерелгән хайуандар, үҫемлектәр һәм бәшмәктәрҙең 35 төрө барлығы асыҡланған. Торатау менән Йөрәктау ҙа шулай уҡ республика әһәмиәтендәге айырыуса һаҡланған биләмә булараҡ иғлан ителгән.