Рәсәй Федерацияһының төп суд приставының һүҙҙәренсә, федераль хеҙмәттә реформа әүҙем алып барылған. Тәүге этапта федераль ҡанунға үҙгәрештәр әҙерләнгән, яңы федераль ҡанундар сығарылған. Барлығы 200 төрлө кимәлдәге норматив-хоҡуҡи акт. Үткән йылдың 1 октябрендә «Рәсәй Федерацияһында мәжбүри үтәү органдарында хеҙмәт тураһында» 328-се федераль ҡанунға ҡул ҡуйыу тарихи ваҡиға булған. Ул быйыл 1 ғинуарҙан башланып, 1 июлдә тамамланған. Был осорҙа комплекслы аттестация саралары үткәрелгән.