Башҡортостанда йыл һайын «Минең музейым» республика бәйгеһе ойошторола. Быйыл ул Бөйөк Еңеүҙең 75 йыллығына арналды. Конкурс мәҙәниәт министрлығы тарафынан Рәсәй хәрби-тарихи йәмғиәтенең төбәк бүлексәһе булышлығында ойошторолдо. Дүртөйлө тарихи-тыуған яҡты өйрәнеү музейы «1941 – 1945 йылдарҙағы Бөйөк Ватан һуғышында еңеүҙең 75 йыллығына бағышланған Башҡортостан Республикаһы дәүләт музейҙарының күргәҙмә проекттары» номинацияһында Гран-при яуланы. Икенсе урынды ошо уҡ номинацияла Туймазылағы тарихи-тыуған яҡты өйрәнеү музейы алды. Әлеге үк номинацияла өсөнсө урын Темәстәге тарихи-тыуған яҡты өйрәнеү музейына бирелде. Еңеүселәр һәм призёрҙар дипломдар һәм Рәхмәт хаттары, ҡоролмалар һәм китаптар алыу өсөн сертификаттар менән бүләкләнде.