Хәүефһеҙлекте тәьмин итеү йәһәтенән быйыл спорт ғаилә уйындары саф һауала тышта үткәрелә. Ҡатнашыусылар саңғыла уҙыша, санала ваҡытҡа ярыша, быйма кейеп, хоккей уйнай.
Был сараны үткәреү йолаға әйләнеп бара. Уны мәғариф һәм фән министрлығы йәштәр сәйәсәте һәм спорт министрлығы, «Берҙәм Рәсәй» партияһының төбәк бүлексәһе ярҙамында ойоштора. Уйындарҙа 50 меңдән ашыу бала һәм уларҙың ата-әсәләре ҡатнашыуы көтөлә. «Яңы йыл ғаилә уйындары – 2021» раҫланған график буйынса 6 ғинуарға тиклем дауам итәсәк.