Обуховтар ғаиләһе эштәрен «һалам» техникаһында эшләй. Бер ғаиләнән дүрт оҫта сыҡҡан: Сергей, Елена, Марина һәм Роза Михайловна. Улар ижад менән буш ваҡытта шөғөлләнә. Ижади ҡыҙыҡһыныуҙары 1981 йылда башланып киткән. 1994 йылдан халыҡ-ара, Бөтә Рәсәй, төбәк, республика конкурстарында ла ҡатнашып торалар. Бихисап һанлы диплом, награда эйәләре лә. Бер-береһенә оҡшамаған 12 шәхсән күргәҙмәләрен дә ойошторғандар.