Бөтә яңылыҡтар
Новости
20 Ғинуар 2021, 15:27

Өлкән синыф уҡыусылары өсөн бик шәп мөмкинлек

«Ҙур саҡырыуҙар» Бөтә Рәсәй конкурсына уҡыусыларҙы теркәү башланды. Был йәш тикшеренеүселәргә фән юлын башлау өсөн бик яҡшы мөмкинлек, буласаҡ һөнәреңде билдәләргә, уйыңды тормошҡа ашырырға, остаздар һәм эксперттар кәңәштәрен алырға ла ярҙам итәсәк.

Бәйгелә VII – XI синыф уҡыусылары, урта махсус уҡыу йорттары студенттары ҡатнаша ала. Уларға фекерҙәрен һәм проект эштәрен конкурсҡа биҙәп ебәреү тәҡдим ителә. Төбәк этабында ҡатнашыу өсөн өлкән синыф уҡыусыларына «Сириус.Онлайн» (http://online.sochisirius.ru) системаһында ғариза бирергә һәм 1 февралгә – һайлап алыу этабына тиклем эштәрен ҡуйырға кәрәк (текст тасуирламаһы һәм проекттың презентацияһы).
Иң яҡшы тип табылған проект авторҙары «Сириус»тағы «Ҙур саҡырыуҙар» программаһына саҡырыу аласаҡ. Бында улар проект эшенә сумып, алдынғы Рәсәй эксперттары етәкселегендә инновацион эштәр булдырасаҡ.
Читайте нас в