+13 °С
Ямғыр
Бөтә яңылыҡтар
Новости
25 Ғинуар 2021, 01:25
Яйыҡбайҙа – “Ҙур хоккей”!
Баймаҡ районы Түбәнге Яйыҡбай ауылында “Ҙур хоккей” уйындары үтте. Унда Әбйәлил районының “Аҡбуҙат”, Баймаҡ ҡалаһының “Алдар батыр” һәм Түбәнге Яйыҡбайҙың бөгөн генә барлыҡҡа килгән “Баяс” командалары майҙан тотто. Әйтергә кәрәк, баястарҙың әлегә тренерҙары ла юҡ. Ҡыйыулыҡты һәм батырлыҡты бергә туплап, майҙанға сығып, тәүге "сирҡаныс" алды. #ГодздоровьяиактивногодолголетиявРБ
Ҙур сараны район хакимиәте башлығы Фәнис Әминев асып, килгән ҡәҙерле ҡунаҡтарға һәм сараға йыйылыусыларҙың барыһына ла тәбрик һүҙҙәрен еткереп, уйында ҡатнашыусыларға уңыштар теләне.
Уйындың башланыуын барыһы ла ҙур түҙемһеҙлек менән көтөп алды. Боҙға сыҡҡан хоккейсы егеттәрҙең милли кейемдәрҙә башҡарған бейеүҙәре ҙур алҡыштарға күмелде. Халыҡ ижады үҙәге артистарының сығыштары ла матур сараға йәм өҫтәне.
Тәүге шайбаны Фәнис Әминев боҙға ташлап, хоккейға старт бирҙе. Баш судья – "Баһадир" физкультура-һауыҡтырыу комплексы директоры Илшат Хәмитов уйын барышын тулыһынса үҙ контроленә алды.
Хоккей уйыны бик тә сәмле һәм ҡыҙыу барҙы. Ололар командаһы үҙҙәренең тәжрибәһен ҡулланһа, йәштәр иһә көстәренә таянды. Мәрәй һандары буйынса әбйәлилдәр еңеү яуланы һәм кубокка эйә булды. Икенсе урынды – ”Баяс”, өсөнсөнө “Алдар батыр” командалары алды. Барыһына ла миҙалдар, Почет грамоталары тапшырылды.
Уйнап арығандар тирмәлә боҫрап ҡайнап ултырған еҙ самауыр сәйе менән һыйланды. Түбәнге Яйыҡбай ауылының тарихын, бөгөнгөһөн, шәхестәрен күрһәткән бай күргәҙмә иһә икенсе тирмәгә ҡуйылған ине. Иң ғәжәпләндергәне – ғәрәп хәрефтәре менән ауылдың исеме яҙылған алтаҡта ине. Ул үҙе бер ҙур тарихты һаҡлай, – тип яҙа Лилиә Такаева.
Һоҡланғыс күренеш! Бына шулай сәләмәт тормош менән ҡайнап йәшәй, Яйыҡбайҙар! Маладистар!
Лилиә Такаева фотолары.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж