-8 °С
Болотло
TelegramТестарVKOK
Бөтә яңылыҡтар
Новости
28 Ғинуар 2021, 18:28

«Бирешмә» үҫмерҙәр премияһына ғаризалар ҡабул ителә

– Ура! Ура! Ур-ра! Тағы бер шәп яңылыҡ! «Тамыр» телеканалы, «ТЭФИ» телевизион конкурсы еңеүсеһе «Бирешмә» проекты «Бирешмә» үҫмерҙәр премияһын иғлан итә! Көслө рухлы, маҡсатлы, белемле, тәүәккәл үҫмерҙе ҡеүәтләп, ижады, хеҙмәте өсөн рәхмәт әйтеп, яңы үрҙәргә дәртләндерергә уйлайбыҙ! – тип хәбәр итәләр «Бәйләнештә» селтәрендәге төркөмдәрендә.

Был үҫмерҙәр премияһына 8-ҙән 18 йәшкә саҡлы үҫмерҙәр дәғүә итә ала. Ғаризалар 2 мартҡа тиклем ҡабул ителә.
Ҡатнашыр өсөн нимә эшләргә кәрәк һуң?
1. Документ итеп айырым беркетелгән ғариза;
2.Сканерланған ата-әсәләр рөхсәте;
3. Бер нисә фоторәсем (бөтәһе 8-10 фото, 1 портрет)
4. Сканерланып, документ итеп айырым йыйып беркетелгән диплом, грамоталар талап ителә.
Быларҙың барыһын да бер хат итеп [email protected] почтаһына ебәрергә кәрәк.
Һәр ҡатнашыусыға ла – диплом, ә еңеүселәргә кубок һәм аҡсалата премиялар тапшырыласаҡ.
Кемдәр төркөмдәрендәге https://vk.com/bireshma_serial яҙмаға репост яһап, иң күп «лайк» йыя, шуны махсус бүләк тә көтә. Тулыраҡ мәғлүмәтте 8-905-355-40-05 телефоны аша
(Гөлшат Сәғит ҡыҙы Ғәлиуллина), https://vk.com/bireshma_serial төркөмөндә алырға мөмкин.
Читайте нас в