+11 °С
Болотло
TelegramVKOK
Бөтә яңылыҡтар
Новости
18 Февраль 2021, 17:02

Моңға тартылһаң, күңелең таҙарыр

Бөгөн Өфөләге «ВДНХ-Экспо» майҙансығында «Волга буйы йәрминкәһе» асылды. Ул 21 февралгә тиклем барасаҡ. Унда Рәсәйҙең төрлө төбәктәренән халыҡ художество кәсептәрен күрергә мөмкин.Был күргәҙмәлә үҙебеҙҙең Башҡортостан егете Дим Мөжәүиров ҡурайҙар һәм ҡумыҙҙар тәҡдим итә. 23 февралгә йә булмаһа тыуған көнгә атайҙарығыҙҙы, ағайҙарығыҙҙы, ҡустыларығыҙҙы ҡыуандырырға теләһәгеҙ, ашығығыҙ!

Дим Рәфҡәт улы Учалы районының Уральск ауылында балаларҙы ҡурай серҙәренә төшөндөрә. Шул уҡ ваҡытта ҡурай, ҡумыҙ яһау кәсебе менән мәшғүл. Уның ҡурайҙары Рәсәй буйынса ҡайҙарға ғына таралмаған! Мәскәү, Силәбе, Екатеринбург, Мурманск, Новосибирск, Сорғот... Башҡортостан райондары тураһында әйтеп тораһы ла түгел.
Дим Мөжәүиров ҡурайҙы пропагандалап, ҙур эш башҡара. Киләсәк быуынды моң донъяһына әйҙәп, уларҙы яҡшылыҡҡа, изгелеккә әйҙәй. Уға киләсәктә ижади уңыштар, һаулыҡ, муллыҡ теләйбеҙ.
Читайте нас: