+13 °С
Болотло
Бөтә яңылыҡтар
Күрше өлкәләрҙәге милләттәштәребеҙ
4 Декабрь 2020, 14:47
Туған телгә һөйөү тәрбиәләй
Күрше өлкәләрҙә үҙ еребеҙ, телебеҙ тип янған, үҫеп килеүсе быуынға туған тел серҙәрен төшөндөргән рухлы башҡорт теле һәм әҙәбиәте уҡытыусылары булыуына һөйөнәбеҙ. Шундайҙарҙың береһе – Силәбе өлкәһенән Гүзәл Фазылова. Ул башҡорт теленә һөйөү уятып ҡына ҡалмай, һәләтле балаларҙы үҫтереү буйынса эш тә алып бара. Гүзәл Тәлғәт ҡыҙының уҡыусылары туған тел буйынса район, өлкә, төбәк-ара бәйгеләрҙә ҡатнашып, призлы урындар яулай. Тәжрибәле уҡытыусының ике уҡыусыһы республикабыҙҙа дистанцион рәүештә үткәрелгән «Йәйләү» онлайн-лагерында ял итеп, призёрҙар рәтенә лә инеп ҡыуанғайны.
Ул үҙе Арғаяш районы Бәжекәй мәктәбендә 23 йыл балаларға белем бирә, 2020 йылдан Силәбе һәм Ҡурған өлкәләренең башҡорт теле уҡытыусылары ассоциацияһы ағзаһы ла. Кәтибә Кинйәбулатованың тыуыуына 100 йыл тулыуға арнап Силәбе өлкәһе, Башҡортостан үткәргән бәйгелә асыҡ дәрес күрһәтеп, Гран-при яулаған кеше. Бала саҡтан йырларға яратҡан уҡытыусы, автор-башҡарыусы төбәктәрендә уҙғарылған «Уралым», «Яңы йондоҙ» башҡорт йыры конкурстарында еңеүсе булған.
– Беҙҙең мәктәптә башҡорт теле һәм әҙәбиәте гел уҡытыла килә. Һәр бер синыфта аҙнаһына – 2 – 3 дәрес. Уҡыусыларым менән ижади эште лә онотмайбыҙ: шиғыр, әкиәт, ҡобайыр, хикәйәләр яҙып ҡарайбыҙ. Ҡыҙҙар, малайҙар туған телдәрен бик теләп өйрәнһә лә, үҙ-ара башҡортса аралашмауҙары ҡыҙғаныс. Синыфтағы 4 – 5 бала ғына әсә телендә һөйләшә.
Мәктәбебеҙҙә Шиғриәт байрамын үткәреү изге йолаға әйләнде. Бында бөтә райондан, өлкәнән ҡәләм тибрәтеүсе балалар ҡатнаша. Баһалама төркөмө уларҙың яҙған шиғырҙарын тыңлап, ижади эштәрен йыйып ала һәм гәзиттәрҙә баҫтырып сығара. Күп кенә шиғырҙар йыйынтығы ла баҫылып сыҡты, – тине ул.
Уҡытыусы үҙенең ҡыҙҙары уңыштарына ла һөйөнә. 2016 йылда Әҙилә Фазылова башҡорт теленән Силәбелә үткән олимпиадала көсөн һынап, беренсе урын яулаған. Ул һәләтле йәштәр грантына тәҡдим ителеп, 30 мең аҡса алған һәм диплом менән бүләкләнгән. «Һаумы, һаумы, әкиәт!» район конкурсында еңеүсе булған, ә өлкә кимәлендә III урынға сыҡҡан. Быйыл V «А» синыфы уҡыусыһы Зәлинә Фазылова Рәсимә Ураҡсина исемендәге шиғриәт бәйгеһендә «Аҡбуҙат» журналының махсус бүләген алып шатланған. Афариндар!
Бына шундай телебеҙгә битараф булмаған уҡытыусылар булғанда киләсәктә телебеҙ, милләтебеҙ ҙә йәшәр. Ысынлап та, уларҙың әүҙемлеге беҙгә өлгө булырлыҡ.
Гөлназ ШӘЙХЕТДИНОВА.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж